Si bëhet llogaria?
- Disponueshmëria = (koha e planifikuar − ndalesat) ÷ koha e planifikuar
- Performanca = (koha ideale e ciklit × sasia e prodhuar) ÷ koha e punuar
- Cilësia = (të prodhuarat − me defekt) ÷ të prodhuarat
- OEE = disponueshmëria × performanca × cilësia. Tregon sa nga sasia maksimale që mund të dalë në kohën e planifikuar del si produkt i mirë.
Ta llogaritësh OEE-në një herë është pjesa e lehtë. Dobia del kur matet çdo ditë për çdo makinë dhe ndalesat regjistrohen me shkaqet e tyre. Ndalesat që shkruhen në letër ose në Excel në fund të ditës janë edhe të mangëta edhe të vonuara. Kur operatori e zgjedh ndalesën në tablet në çast, del vetë se cili defekt, cili kallëp ose cila pritje materiali merr sa orë në muaj. Më shumë në shkrimin programi i menaxhimit të prodhimit.
Pyetje të shpeshta
Sa duhet të jetë një OEE i mirë?
Në shkallë botërore vlera që konsiderohet e mirë është rreth 85%. Te bizneset që sapo nisin ta matin shihen shpesh vlera 40–60%. Më e rëndësishme se vetë shifra është se në cilin nga tre zërat mblidhet humbja dhe si ndryshon nga java në javë.
Ku ta gjej kohën ideale të ciklit?
Koha për të cilën makina ose kallëpi nxjerr një produkt pa asnjë pengesë. Përdorni vlerën nga katalogu i makinës ose shpejtësinë më të mirë të qëndrueshme që keni parë. Nëse performanca del mbi 100%, koha e ciklit që keni shkruar është në fakt shumë e gjatë.
A përfshihen pushimet në kohën e planifikuar?
Jo. Nga koha e turnit hiqni kohët për të cilat dihet që nuk punohet, si dreka, pushimi i kafesë dhe mirëmbajtja e planifikuar. Defektet, rregullimet, ndërrimi i kallëpit dhe pritja e materialit shkruhen si ndalesa.
A dërgohen diku shifrat që fus?
Jo, përveç nëse i dërgoni ju. Llogaritja bëhet tërësisht në shfletuesin tuaj dhe nuk ruhet. Shifrat na vijnë vetëm nëse plotësoni dhe dërgoni formularin “Vlerësoni rezultatin tim”, që të mund t’ju kthejmë përgjigje.