Si bëhet llogaria?
- Kostoja e futjes së dyfishtë = numri i njerëzve × orët në javë × 48 javë × kostoja për orë
- Kostoja e raporteve = orët mujore të raporteve × 12 × kostoja për orë
- Kostoja e gabimeve = numri mujor i gabimeve × 12 × kostoja e një gabimi
Këto tre zëra nuk duken në asnjë rresht të buxhetit: humbasin brenda pagës, brenda orëve shtesë dhe brenda gabimeve për të cilat thuhet "ndodhin këto gjëra". Prandaj, kur flitet për koston e një programi, përballë saj shpesh vihet zero. Krahasimi i vërtetë është mes kostos së programit dhe totalit vjetor të kësaj tabele. Më shumë në shkrimin Nga Excel në ERP.
Pyetje të shpeshta
Si ta vlerësoj kohën javore të futjes së dyfishtë?
Për një javë, kërkojuni disa vetave nga ekipi të shënojnë kohën kur shkruajnë për herë të dytë një informacion diku, kur kërkojnë skedarë ose kur pyesin "cili skedar është i përditësuari". Në shumicën e firmave del 3–6 orë në javë për person.
Cilat gabime duhet të numëroj?
Porosi e dërguar gabim ose e mangët, punë e ndalur për mungesë materiali, dorëzim pa faturë, ofertë e dërguar me çmim të gabuar, afat i humbur. Si kosto shkruani dërgesën e përsëritur, orët shtesë, zbritjen e dhënë ose fitimin e humbur.
A zhduket e gjithë kjo kosto me një program?
Jo e gjitha. Por kur informacioni futet një herë dhe lexohet kudo nga i njëjti regjistrim, zhduket pjesa më e madhe e kohës së futjes së dyfishtë dhe e raporteve me dorë, si dhe shumica e gabimeve që vijnë nga mospërputhja mes skedarëve.
A dërgohen diku shifrat që fus?
Jo, përveç nëse i dërgoni ju. Llogaritja bëhet tërësisht në shfletuesin tuaj dhe nuk ruhet. Shifrat na vijnë vetëm nëse plotësoni dhe dërgoni formularin “Vlerësoni rezultatin tim”, që të mund t’ju kthejmë përgjigje.