Hesablama necə aparılır?
- Təkrar daxiletmənin xərci = işçi sayı × həftəlik saat × 48 həftə × saatlıq maya dəyəri
- Hesabatın xərci = aylıq hesabat saatı × 12 × saatlıq maya dəyəri
- Səhvlərin xərci = aylıq səhv sayı × 12 × bir səhvin xərci
Bu üç maddə büdcənin heç bir sətrində görünmür: maaşın içində, əlavə iş saatlarının içində, "belə şeylər olur" deyilən səhvlərin içində itib gedir. Ona görə də proqramın qiyməti müzakirə olunanda qarşısına çox vaxt sıfır qoyulur. Real müqayisə proqramın qiyməti ilə bu cədvəlin illik cəmi arasındadır. Ətraflı Excel-dən ERP-yə yazısında.
Tez-tez verilən suallar
Həftəlik təkrar daxiletmə vaxtını necə təxmin edim?
Bir həftə ərzində komandadan bir neçə nəfərdən bir məlumatı ikinci dəfə harasa yazdıqları, fayl axtardıqları və ya "hansı fayl aktualdır" deyə soruşduqları vaxtı qeyd etmələrini xahiş edin. Əksər şirkətlərdə adam başına həftədə 3–6 saat çıxır.
Hansı səhvləri saymalıyam?
Səhv və ya natamam gedən sifariş, çatışmayan material üzündən dayanan iş, fakturası yazılmayan təhvil, səhv qiymətlə gedən təklif, qaçırılan təhvil tarixi. Xərc kimi təkrar göndərişi, əlavə iş saatlarını, verilən endirimi və ya itirilən mənfəəti yazın.
Bu xərcin hamısı bir proqramla aradan qalxır?
Hamısı yox. Amma məlumat bir dəfə daxil edilib hər yerdə eyni qeyddən oxunanda təkrar daxiletmə və əl ilə hesabat vaxtının böyük hissəsi, fayllar arasındakı uyğunsuzluqdan yaranan səhvlərin çoxu aradan qalxır.
Daxil etdiyim rəqəmlər haraya isə göndərilir?
Siz göndərməsəniz, xeyr. Hesablama tamamilə brauzerinizdə aparılır və yadda saxlanmır. Rəqəmlər bizə yalnız “Nəticəmi qiymətləndirin” formasını doldurub göndərsəniz, sizə geri dönə bilməyimiz üçün çatır.